كلية التقنيات الطبية والصحية - بغداد - منتدى طبي عراقي عام |
| | ابوذيات رائعة وجميلة | الثلاثاء أغسطس 30, 2011 4:05 am من طرف 1sarmad1 |
ابوذيات رائعة
**************
عسل ما مغشوش من شفتي لشفتك
جمـــيل الطـول خبلنـي مـن شفـتك
وسيـع العـين يكصـر علي شفتـــك
حبيبي شبيك متحن عليـــــــــــــــه
*********************
نهـــر حبـــــك طـويل ويــاي عده
حـــر ام العمـــــر وسنينـــــه عده
كلب خاين يريــــد الروح من عده
عداوه ويه العمر لو انته اذيــــــــه
*********************
لوجان كلبك عسل هاذالكلب مربي
لا تتـــرك حبـيب يروح مربــــــي
انا وياه من الصغر عاشرته مربي
بس هوه بالكون ماكو بعد بيـــــــه
*********************
من عندي شافن ويل صرخن ولاجن
طبعي حنون هواي بعقلي ولا جــــن
تركني بين الناس حاير ولا جــــــــن
جن بيه اني الصوج مو هنه البليـــــه
***********************
حبـــك جميل هواي ســــوالي سكـــــــر
صح العسل من نحلات بس مومثل سكر
سكـــر عليه البــــــاب حسبالي سكـــــر
سكـــر حياتي اصير من اترد اليــــــــه
************************
عشنه من الصغر معروفه طيبتنــــــه
وعينه اعله الثقافه وهيه جنتنـــــــــــه
من عدهه صرنه وهيه الي جنتنـــــــه
عقل ماخلت سليم بهل جسم جنتنــــــه
لان بيهه التعب والماتعب صاروسويه
************************
اريد بيوم اصير وياك جـــــــــــــــدي
واذادكني الوكت حيل اتعب ومااجدي
رباني احبه من الصغرجـــــــــــــدي
تـــاركني ويسال عليـــــــــــــــــــــه
***********************
احنـــه اول بلد بالعالم جنينـــــــــــــــه
وطيبة كلوب الناس مثل الجنينـــــــــه
ومن كثر الجمال البيه جنينــــــــــــــه
لان كل الطوائف بيه صارت سويــــه
***********************
وفالك بالوعد ماخـــــــان وفــــــــــــاه
اوتـــوفه بنــــص كلب وفــــــــــــــــاه
لو عندي خمس كلوب ما احجي بالفـاه
لان كلبه ويه كلبي عاشن سويــــــــــه
***********************
من كثر حبي الك بكلبي صارت سلـــه
واذا حبي جذب هاذ الكلب سلـــــــــــه
تراه من الصغر باقة ورد يقدملك بسله
لاتضن مثل الناس حبي اذيــــــــــــــه
************************
حبيبي هواي اني احبك بالكلب خليتك
من طرف واحد حبيبي حبك خلي تك
يامحله البيـوت البيهه عسـل خليتـــك
تاليهه عين بعين متصد عليــــــــــــه
***********************
بسم الله الرحمـــــــن الرحيـــــــــــــــم
ربك غفور هواي هو الرحيــــــــــــــم
من تذكرالاسلام موتنسه المالكي رحيم
نخلق من تراب ربك مابي اذيـــــــــــه
************************
ياحسافه هواي جنسيتك عراقي دكول مسلم
يا حســافه هواي دمـــــــــك من بشر مسلم
مسلم من يصيح بصوت كل النــــاس يسلم
نخلق من تراب ربك مابي اذيـــــــــــــــــه
**************************
حبيبي الحـــزن من صــغري انته مالك
خـــل نلحك عله الـــــــــــروح ونتمالك
تراه الزعـــل ميفيــد وانتـــــــــــه مالك
بالدنيه يصبح اذيـــــــــــــــــــــــــــــــه
*************************
احبك وحب عينــــــــــــــــــــك وريدك
واريد اعرف شنو العندك وره ايــــــدك
روحــــــي بوسط كلبك صارت وريدك
ترد الروح من تسال عليـــــــــــــــــــه
************************
اريد امسحهه من كلبي وجــــــــــرهه
واشوف النار السرت بيه وجـــــــرهه
تدري شكبرهه عند الله واجـــــــــرهه
تعادل صومي وصلاتي بكل مسيـــــه
************************
صرت حاير وسط غربه وانابهيمـــــه
كمت ما ميز من الواوي والبهيمـــــــه
واليحبك بعد ما يدك بسماره بهيمـــــه
حته من الالم نصرخ سويـــــــــــــــه
***************
| تعاليق: 0 |
| المتواجدون الآن ؟ | ككل هناك 3 عُضو متصل حالياً :: 0 عضو مُسجل, 0 عُضو مُختفي و 3 زائر لا أحد أكبر عدد للأعضاء المتواجدين في هذا المنتدى في نفس الوقت كان 15 بتاريخ السبت يونيو 08, 2013 1:27 pm | احصائيات | هذا المنتدى يتوفر على 182 عُضو. آخر عُضو مُسجل هو عبدالله هاني فمرحباً به.
أعضاؤنا قدموا 388 مساهمة في هذا المنتدى في 143 موضوع
|
|
| |
|