كثير الهم على كلبي تراكم...
وكصيتو وياي ياحبابي تراكم...
تود العين كل لحظة تراكم..
ولو بالطيف مرتكم علية...
أصد وازعل وادير العين طبعان
لجن لجمات إلك بالقلــب طبعان
حلو بكلشي لكن بيــــــك طبعان
تـشــــك وتــغار بيــــــــها عليه
يروحي ارجوج طول الوكت حزني
ترى فراكه بحديد ورمل حزني
لا اخت احزنت واوصلت حزني
ولاام بحزن وصلت اليه
أبات الليل بالحـــسرات منطر
تضل عيني على البيـبان منطر
شفت خذها عبالي الفجر منطر
قمت صليت من غــصبن عليه
--------------------------------------------------------------------------------
وحك ارموشك الحلوه...وعينك
انا بالشده واكفلك...وعينك
لون بيدي لنصبنك...وعينك
ملك تحكم على كل البريه
حبيبي اكل فلافل ونته باجه
شوكت تكعد كبالي ونتباجه
ولك بسمار كلبي ونته بجه
وبساميرك عوج ردهن بديه
اتمنى تعجبكم