يافؤادي لا تسل اين الهوى ...............وعض اصبعك حيل واندم جي وفيت
كان صرحا من خيال فهوى ......................يا هوانه من انهوى وياه انهويت
الدمعه وكحه وشرعت باب العيون....... وانه شمعه ومن كثر دمعي انطفيت
ما زغرت بعين روحك من رحت؟ .........شلون قلبك طاوعك ضدي ومشيت
رد اليه بداعة المني خذاك .......................ما احلفك بيه ادري انه انسيت
وانه بيه جروح اسمها الكبرياء............... الشكوى لله وحتى لله ما شكيت
هواي اجوني من غركت كالوا تعال .....ردت امد جفوفي بس والله استحيت
بيش قصرت وعفتني بلا وداع............... جنت اعد حروف حجيك لو حجيت
بلون جنحان النوارس شعري صار .............وانه ما اكلك متت..بس انتهيت
بيه الك حنيه اعمى يحن يشوف.............. صوره امه كباله يسمر ما دريت؟
وانت تدري الشاعر يهزه الحنين............ ويعلم الله بهالقصيده شكد بجيت
ليش قلبك صاير اسود من بلال ...............وريح هجرك هدمت كل ما بنيت
دورت قلبك شفت مالي مكان ................وين وعدك؟ مو كلت بانيلي بيت
اذني عطشانه عله صوتك من زمان......... ومن شفافك ياترف كلمه اشهيت
شما اوكف رجلي تركضلك واجيت......... وانت لوما غالي..ابد ما جان اجيت
جنت اكولن راح من ملكاك اخجل............ وخجلتني..بكلمه شعندك لفيت
لا تسد بيبان بيتك عالغريب....................... انه راجع من عساني لا اجيت
وكمت اغني اباب دارك واستحيت
(والله ياطير الحمام الي تسافر .............ردني لهلي ولا تودي الهم سلام)
الكبر بأحضاني في مر السنين.............. ناسي حبي وبحضن غيري ينام