شلتك بالجفن دمعة مجانين

شلونكم حبايب عندي اقتراح بما انه اني احب الشعر وشاعر صغيرون والشعر احلى تعبير رح انزل شعر واتمنى بردودكم اذا تكدرون تكتبون او تنزلزن اشعار ورح يكون هذا جزء من تطور المنتدى

شلتك بالجفن دمعة مجانين
حتى اوكع عيني ومااأذيك
ردت من عندي روحي وماكلت لا
ذبحت بيدي روحي وجيت اعزيك
خليتك رمح يم باب الجروح
وتدك باب المنية وكلت اخليك
ارسمك ماي بس انته بخلك نار
تشعلني شمع وماتطفيني
تزعلني بكثر مابالسما نجوم
وانه اضعافهن اضحكك واراضيك
تمر بيه حلم وتفزز الناس
ومحد ينتبه بس اني الافز بيك
اسولفلك سنيني شبيهن ادموع
ودمعهن دمع رايح ودمع ينتظر بيك
وكبل لاتمشي تنزل دمعة الشوك
وينشف دمعي بس لاابجيك
ذيج الجية تدري انطيتك الروح
وماضل شي بعد بس لازم انطيك
شوف شباقي بيه بكيفك اختار
وانته براحتك واخذ اليكفيك

عاشت الايادي
منتهى الروعة
يسسلمو

شووووووووووووكرا

عاش حسك انشالله التألق بالمزيد التخدير هو قسم الشعراء

جرح البية كافيني وزايد
واظل للموت احبنكم وزايد
ابمزاد الحب اريد اكعد وازايد
واكل للناس احبك بس الية

......................
يسلمو شعر جميل

عاااااااشت ايدك ورداية
كلش حلووووو ..روعة
............تقبل مروري المتواضع.........
ودي قبل ردي

تنازلت وبعتني ليش وشلون
كلبك مــنكســـر لمن بعتني ؟!

شلت سنين حزنك بين العيون
وانت بكم شهر ماشلت حزني !

صبرت اني وكلت دمعاتي تهون
ومن جيتك لكيتك فاركتني

شيفيد الدمع لو زخته اعيون
وانته بعينك الصلفه تركتني

لتكول الزمن غدار ويخون
زمانك ماغدر وانته غدرتني

امسح كلشي ضل بالماضي مسجون
وامسح ذكرياتي الصبرتني

واوعدك راح امسحك من الجفون
مثل مابيدك الوكحه امسحتني

مو كتلي الامان بجنبك يكون ؟
بامانك ليش غفله وضيعتني

لجلك حاربت كل اهلي والكون
كلت ماريد غيرك يل عفتني

مايحتاج اعاتب واطلب العون
منك وانته بيدك عذبتني

ولا يحتاج اكلك طبعك تخون
تعرف نفسك انته شكد خنتني

حبيتك صدك حب طفل مجنون
و انطيتك حياتي وموتــــتــني

اشكرك علمتني الحب والضنون
ودروس هواي اشكرك علمتني
__________________
يارب تعجبكم