كلية التقنيات الطبية والصحية - بغداد

منتدى طبي عراقي عام
 
الرئيسيةالرئيسية  البوابةالبوابة  س .و .جس .و .ج  بحـثبحـث  التسجيلالتسجيل  الأعضاءالأعضاء  المجموعاتالمجموعات  دخولدخول  

شاطر | 
 

 ابوذيات

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
لخاطر دموعي

avatar

عدد الرسائل : 41
العمر : 28
تاريخ التسجيل : 26/07/2009

مُساهمةموضوع: ابوذيات   الإثنين فبراير 01, 2010 11:01 am

ماترد ليك الروح تابت تراها**تبقى انتا والوياك دومك وراها
****************
بيك انتا ماضل صوج...صوج الكلب حن‏*‏*يتهاوش ويالروح وعيوني ناحن
****************
ثوب ابيض الجلمات مالطخن يوم**عشرتنة عالمكشوف حسبالك نجوم
****************
لاتنسى واذكر دوم..دوم الله فوكك
**
دوم اني اباري وياك تتهمني ابوكك
****************
للوجهه صافي يلوك بس كونة اية**
مو بس حسن وعيون كون بهداية
****************
روحك عساها بخير ومارايد هواي**
من يمر بيك الخير لاتكطع وياي
****************
حافي اركض الدنياي مالحكلها**
والنوب اعرس خوش يرهم قفلها
****************
على ابياتي رد بيت مو لازم اكثر**كالو ترد بساع موش اتعثر
****************
ضليت ادج بالساس لمن صرخ آخ
* اعرف شنو البنيان خوية اني لباخ
****************
اتكبر اني شلون ماترهم وياي
‏*‏*
كل ناسك انتا تبيع بس اني شراي
****************
مو جاهل اني بهاي وانتا ادرى بيا**
احجي شعليك ذنوب شنهي العليا
****************
ها ها عليمن هاي مايلحكلها
‏*‏*
الحسجة لاهل الطيب صارت صفه الها
****************
ذاكرتي حد السيف ماغلطة بيوم**
من يعتني ابن اجواد توكفله وتكوم
****************
انتا يالماتعرف اصلي خل اسولفلك عليه**اصلي من سوك الشيوخ يعني من الناصرية
****************
حسجه اني ابن ديوان وابن المضايف** الشعر يسري وياي مثل السوالف
****************
اني الحجي المكيول ما اعتنيله**
ومن احجي انا بزود ماعندي حيله
****************
بأمر الله اوافي شواط جي لنا واجب**
وعن صحبت الطيبين مايعلى حاجب
****************
اكتبلي يبن الطيب بيت بردف بيت**
موضوعه عن اهواي مايوم الى نسيت
****************
مانصح دهري وياي ثكل بهمي**
خلاني للبذات كتله ابن عمي
****************
الجمهوري بيها ارجال حسجتها بيها**
والشعر من تحجي توزن بديها
****************
اوزن بديه ودوم مايزل وزني**
واحجيهن الجلمات بسم اليعزني
****************
شاعر تراني بزود واحجيلك ابيات**
ما احجي مكيولات لا والله هيهات
****************
البيت الأسولف بي ماضنا معيود**
اطرب واغني وياك واتناشد انشود
****************
ابقى امشي عدله وياك ماتزل عيني**
بس كونك انتا وياي تبقى على ديني
****************
جلماتي يبن الناس مالاتي ذني**
وابياتك من اسنين مرن جزني
****************
حبوبي سوك شيوخ دوايا شطرة**
كل اليقدر الطيب نبنيلة حظرة
****************
التمو يالشمات خلوني اكلكم**
الدوم ازامط بي متبري منكم
****************
متبري منكم حيل كل اليحبنا**
عدنا الملح والزاد حسبت لبنا
****************
ميت لفاني الضيم تعقلها فد يوم**
وصلت لحدها وياي ماشايف النوم
****************
سمك وصل للراس ماشيلن ايدي**
من كثر هم الروح من ذاك عيدي
****************
شدني اني بالكلفات اصبحلك احزام**
بس كونك علبليس موش علالسلام
****************
اجروحك البروح مو مية اكثر**
الكلب من طاريك طاح وتعثر
****************
بالحسجة ياهالناس مشهودة لينا**
مارايد اني هواي ردهن علينا
****************
لمعاتبي انا وياك ماضن وكتها**
وحلوك هالشمات خليني اسدها
****************
كل بيت اردا بيت هم يمكن اكثر**
انتا ويبيتك غاد روح وتكتر
****************
اتوسل الطيبين تمسح اذنوبي**
واحلفلك من اليوم بدلتا ثوبي
****************
شالوها ست اولاد يامحلة موته**
كلمن يريد ايصيح خي نصي صوته
****************
شنهي المعزه الحيل سولفها ليا**
وحجيلي شنهي عليك شنهي العليا
****************
انت العليك هواي ماحاسب الهن**
بس الثكال اثنين خوي ابحملهن
****************
ضل كلبي حيل ايصيح لاتدني يمة**
جي بي جرح مفتوح محد يلمة
****************
ناذرلك انا الروح مو منها وصلة**
تساويني بالبذات والناكر اصلة
****************
الحر يظل حر دوم حد المنية**
انشد اظل للدوم عالمني بية
****************
لامره لامرتين اكثر نحبكم**
واثبتهن الجلمات دوم بذكركم
****************
مو اني منك بيك وانتا ادرى بيها**
روح انتا للشمات واسمع حجيها
****************
مرخوصة الك هالروح وعيون الاثنين**
ضليت الك مطلوب شلون اوفي هالدين
****************
عالراس اشيلك دوم بس جاوب بيت** حيل اني جيت وياك لتكلي ماجيت
****************
يادربي اضل امشيك ماعيفك بيوم**
حسبت جلد وياك مو حسبت اهدوم
****************
مانحجي عنك شين حد كطع الانفاس
**طبع الشماتة انصاغ للساسة نداس
****************
لاتحجي بطل اعتاب حيل اوجرتني
‏**حسبت اكومن بيك بيدك تعتني
****************
لاتعت بي النوب راكس لهامي**
ما أرد ليك بيوم حالف بأمامي
****************
اني الكلب والروح كل حسبتك هاي**
دلالي فوك الروح وكليبي وجلاي
****************
شص بالنفط ذبيت شتتأمل اتصيد**
لو شبج فوك الفال ماضنتي يفيد
****************
لاتمر بيا النوب ماريدك اتمر**
غلطة الكلب خاواك بيكم تقشمر
****************
لاتشتكي انتا الناس لو هم ثكل بيك**
اتنخى ابو الحسنين عالحق يدليك
****************
روح انتا عني بعيد خذ شرك وياك**
ولهانة بيك الروح ما أكدر انساك
****************
ياطيب الوكفات مطلوب الك دوم **بعون الله اوفي اوياك لوبيع الهدوم
****************
واجب ترى الوكفات من اوكف الكم**
وتكلي اوفي وياك ضلت باصلكم
****************
يالشمري اني وياك مانسطلح دوم**
بيامعنى توفي وياي شككهة الهدوم
****************
دربك ترى انتا بعيد عن دربي شمرة**
انتا بضلام الليل واحنا على كمرة
****************
اتقبل التحجيه وكل التكولة
‏*‏*
حبك صبح بالروح يالغالي سولة
****************
ها خوية رد اجواب حتى انتواصل
‏*‏*
بعدك ترى على النت لتكلي فاصل
****************
امقصر ادري بهاي كد شعر راسي**
اغفرلي ذنبي وياك ليش انتا قاسي
****************
صدكني الك تشتاك روحي ويالعيون**
ابقى اني حد الموت للطائي مديون
****************
بدموعي اطفي النار لو مستك يوم**
واجروحي من طاريك توكفلك تكوم
****************
اجروحي صفن سيل شي اعلى من شي
‏*‏*
وتكلي للطيبين خلينه نمشي
****************
البرخص باعوك دور باصلها **
مو بس اصل نداس خابط لبنها
****************
بس اخرب اني وياك مانصطلح دوم**
كلبي بعشرتك صار كل لحضة ملجوم
****************
ملجومه روحي هواي مايلحكلها**
والنوبه ولعت بيك وثكل حملها
****************
لاهدمه مامش ثوب ومصلخ صلوخ**
ادنه عني امتار من يمك ادوخ
****************
لا والله مو بذات وانت ادرة بيه
*‏*
بطل العتاب وياي يالمني بيه
****************
دوم اني اسولف بيك ياطيب الذات**
كلبك شلون اطاك وتكلي بذات
‏****************
خليني اجملك بيت عن جلمتك هاي**
راح ابقى ست اشهور مابطل ابجاي
****************
خضره وبعدها الروح تندل سراها**
الجانوا كبل كدام صاروا وراها
****************
صاروا وراها هواي كلش بعيدين**
مثل الفرق مابين امريكا والصين
****************
الولا راح بعيد هذا اني يمك**
اتكاسمه اني وياك ونشيله همك
****************
عيف انتا حجيك هاذ خليني اسمعك**
عنهم حجيت اشلون مو هم ربعك
****************
صح كاسرت مشروب بديتا كاسي**
ماحاربت للدين شد غيره راسي
****************
شد راسي غيره وصاح كاعي اني تنداس**
وسفه وعلينة يشيد بالغيره عباس
****************
علمني ابو السجاد ما ادنك العين**
متحزم الها احزام والنصرت الدين
****************
يبن النجف وياك للصبح اتاني
**‏
غيوثي واسمع هاي حرت بزماني
****************
اهل الكرم والطيب والكم دواوين**
ماجاملت مولاي احلف بالحسين
****************
يالساعدي اكتب بيت جاملنا نوبة
‏*‏*
شعر الأصل والزود راوينا ثوبة
****************
حسبالك شحن خلص ولا لمضة
**
ابد مو صعبة ارد الدارمي بومضة
****************
كل الهلا اهلا بيك يالمني بية***هاك اخذ ماي العين واخذ الثنية

كل صوج ابد مابيك ماعرف ناسي***حتى الدني المنبوذ شلتة على راسي

اكتب شعر يفلان من اول اصباي***دوخت روحي وياي ومدوخ اعداي

ها خوية كلي شلون وين اصبح الراي***يستمر نوحي عليك لو أبطل ابجاي
****************

****************
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
jewel

avatar

عدد الرسائل : 29
العمر : 26
الموقع : في رموش امي وقلب ابي
تاريخ التسجيل : 01/04/2010

مُساهمةموضوع: رد: ابوذيات   الإثنين أبريل 12, 2010 9:06 pm

تسلم الايادي ...كلش كلش حلواااااات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
يوسف العجيلي



عدد الرسائل : 4
تاريخ التسجيل : 19/08/2010

مُساهمةموضوع: رد: ابوذيات   السبت أغسطس 21, 2010 3:36 pm

درت سكاني بيدك عوجتة
واثر ايدك تألمني عوجتة
اكول الله الخصر لمن عوجتة
ضل مسطور بيه ابن العجيلية..وسلامي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ابوذيات
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
كلية التقنيات الطبية والصحية - بغداد :: ألمنتدى العام-
انتقل الى: