موعد حب
هو-اشلونج ياأعز الناس
عندي00
هو القلب جم أحبيبه عنده
هي-هزني الشوك
عل موعد اتانيك00
وأعد بيدي الدقايق
وحده وحده00
وحده00اثنين00
هاي الثالثه اتروح
أتاني وصار هلموعد أشبعده
نمت حسبالي أشوفك بالحلم
جاي00
وكلت دمعاتي أحطهن وسط خده
هو-نمتي 00هنيالج غفيتي00
وآنه ليلي يمرعلى عيوني صبح
الينيم ورده ويمسدعليها00
مو مثل ليولي وينيم جرح 00!!
والغفه أبكلمة محنه00
مو مثل الينام وبعينه ملح00!!
هي-لاحبيبي
آنه هذا اليل من يمرني دمعه00
وحزن وأشواك 00وحنين00
آنه عيني عليك مابطل دمعها00
تبجي ماتسكت العين
هو-لا00لاتبجين
امسحي دمعتج وأرجوج لاتبجين00
يل دمعتج جمر 00
واخدودج احلى أورود00
خايف على اخدودج من دموع العين00
لاتبجين00
ورده وتحترك ماتحمل النيران00
يذبل كل وردها وتستحي من الطين00
هي-وانت تكلي لاتبجين00
مو عمري انتهى 00وايامي كلها أتروح00
لو راح العمر متكلي أجيبه أمنين00؟
هو-لاتبجين00
المن بعد تسوه دمعه أطيح00
هو أشباقي بينا00
ونحترك كل حين00
تعبنا القهر ممشى جزيره وخوف00
صار الماضي غلطه وجنه غلطانين00!!
لاتبجين لو يسوى العمر يمكن بجينا أسنين00
هي-أشلون أتكلي لاتبجين
هو-لاتبجين
هي-تدري انت اليحب 00
مايكدر اعله النار00
ويا نار اللي بيها اتفزز الميتين00
احتاج الدمع من ما أشوفك يوم00
لان يصبح على اليوم خمس أسنين00!!
حبيبي لخاطري00
لاتبتعد أرجوك00
ماأحمل افراكك00
تدري كلش زين00
هو-بس ارجوج لاتبجين 00
خوفي انه عليج من الدمع والله00
مرات الدمع ياخذ حلاة تاعين00
ويل كلج ترافه00
أرجوج لاتبجين0