ألكلية :

أألسلام عليكم:
تحياتي لطلاب وخريجي هذه ألكلية ,أحب أعرفكم بنفسي أولا ,أنا أحد ألمخضرمين بهذه لكلية وألي بقيت بيهه 8 سنوات ,خريج سنة 2006-2007 طبعا لظروف مو لأن انا غبي ,مع ألعلم كان معدلي بالسادس العلمي 88 في سنة 1998-1999 .
مختصر ألحجي مستفاديت من دراستي شي وحصيلتي العلمية الان صفر بالمية,لكن جاي أحاول قدر ألأمكان أجمع ألمعلومات عن دراستي بالأضافة ألى طموحي بأن أحسن وضع ألكلية لأن مستقبل كليتنة هو مستقبلي ومستقبلنا كلنا جائز أذا تأزمت ألأوضاع يلغوهه أحنة وين نروح بهالحالة.
طبعا كليتنة كلية مستحدثة ألقصد منهه فصل ألطب ألبدني عن تقنيات ألطب وألي هية أقسامنة ,بزمن صدام (أللقيط) لكن عميدنة ضياء الدوري بهذاك الوقت أستغل هذي ألكلية لأغراضة ألخاصة ,ولحد ألأن ألعمادة مالت ألكلية هية ضدنة ,طموحنة أن نساوي بين كليتنة وكليات ألصيدلة وطب ألأسنان وألي همة دراستهم مثل دراستنة وأن نجعل مراحل ألدراسة بالكلية 5سنوات بدل من 4سنوات .
لكن ألمشكلة ألحقيقية تكن بالعمادة ثم ألعمادة ثم ألعمادة والي واصل بيهم الحد للأستهتار بالدراسة والمناهج ألي ندرسهه حالنة حال ألمعاهد بحيث ماكو رسوب لحد ألأن مسمعت طالب رسب بالكلية ,والجهة ألثانية ألطلاب لأن 3أرباعهم يأما جاي من المعهد أو موظف متميز ميهمة ألكلية وشنو مستقبلهه أهم شي تصير شهادتة بكلوريوس ويزود راتبة .
فلي أريد أكولة أحنة متخدمنة غير ألنقابة مالتنة تدافع عن حقوقنة ,
أأخيرا أطلب من كل شخص مرتبط بالنقابة ويروح للوزارة يعني من سكنة محافظة بغداد ,خلي يناقشهم على هالأساس (فصل ألطب عن ألتكنيك).
وثانيا :من باب ألطبيب يدرس كذا من ألسنين وتالي يختص بالمختبر أو يكعدلة على جهاز سونار لو يخدرلة مريض ويسمونة طبيب تخدير ألجمالة مو حرام بلكي يقتنعون وينتبهون لكليتنة ,
وثالثا:أقل شي خلي يساوونة بالبيطري ,لقبة طبيب ,أحنة لا ميصير .
ورابعا:خريجين ألكلية ألتقنية ألهندسية لقبهم مهندس شمعنى خريج ألكلية ألتقنية ألطبية لا.
وشكرا..................